وزیراعظم شہباز شریف کی صدرِ مملکت آصف علی زرداری سے ملاقات ، ملک کی سیاسی، معاشی اور سکیورٹی صورتحال سمیت خطے کی صورتحال اور عالمی حالات کا جائزہ

اسلام آباد۔( نمائندہ خصوصی)وزیراعظم محمد شہباز شریف نے صدرِ مملکت آصف علی زرداری سے جمعرات کو یہاں ایوان صدر میں ملاقات کی جس میں ملک کی سیاسی، معاشی اور سکیورٹی صورتحال سمیت خطے کی صورتحال اور عالمی حالات کا جائزہ لیا گیا۔ایوان صدر کے پریس ونگ کی طرف سے جاری بیان کے مطابق نائب وزیراعظم و وزیر خارجہ سینیٹر محمد اسحاق ڈار، وفاقی وزیر داخلہ و انسدادِ منشیات سینیٹر سید محسن رضا نقوی، وفاقی وزیر قانون و انصاف سینیٹر اعظم نذیر تارڑ، وزیر برائے اقتصادی امور ڈویژن سینیٹر احد خان چیمہ،وزیراعظم کے مشیر ڈاکٹر سید توقیر حسین شاہ، وزیراعظم کے مشیر برائے سیاسی امور سینیٹر رانا ثناءاللہ کے علاوہ سینیٹر شیری رحمٰن اور سابق وزیر اعظم و رکن قومی اسمبلی راجہ پرویز اشرف بھی ملاقات میں موجود تھے۔