سیالکوٹ ( نمائندہ خصوصی):چیئرمین و سی ای او ایئر سیال ایئر وائس مارشل (ر) تنویر اشرف بھٹی نے چیئرمین عارف حبیب گروپ عارف حبیب سے ملاقات کی۔ جمعہ کو ترجمان سیالکوٹ ایئرپورٹ کےمطابق چیئرمین سیالکوٹ انٹرنیشنل ائیرپورٹ لمیٹڈ حسن علی بھٹی اور چیف ایگزیکٹو آفیسر سیال، ائیر وائس مارشل تنویر اشرف بھٹی (ر) نے عارف حبیب گروپ کے چیئرمین اور 
پاکستان انٹرنیشنل ائیرلائنز کارپوریشن لمیٹڈ (پی آئی اےسی) کے حصول کے لیے قائم کنسورشیم کے سربراہ عارف حبیب سے ملاقات کی۔ملاقات میں باہمی دلچسپی کے امور پر تبادلہ خیال کیا گیا، جس میں بالخصوص پاکستان کی قومی ائیرلائن پی آئی اے اور سیالکوٹ انٹرنیشنل ائیرپورٹ کے درمیان کاروباری تعاون کو مزید فروغ دینے اور باہمی اشتراک سے شعبہ ایوایشن میں مزید جدت لانے پر تفصیلی گفتگو ہوئی۔ دونوں فریقین نے پی آئی اے اور ایئرسیال کے درمیان دیرینہ اور مضبوط ادارہ جاتی تعلقات کا اعتراف کرتے ہوئے رابطہ کاری، آپریشنل ہم آہنگی اور مستقبل میں ترقی کے مواقع کو مزید بہتر بنانے کے لیے باہمی تعاون کو مستحکم کرنے کے عزم کا اعادہ کیا ۔
چیئرمین و سی ای او ایئر سیال ایئر وائس مارشل (ر) تنویر اشرف بھٹی کی چیئرمین عارف حبیب گروپ عارف حبیب سے ملاقات
