نیشنل ہائی ویز اینڈ موٹروے پولیس نے موٹر وے ایم ون پر پٹرولنگ کے دوران راولپنڈی سے چوری ہونے والی گاڑی برآمد کر لی

اسلام آباد۔(نمائندہ خصوصی ):نیشنل ہائی ویز اینڈ موٹروے پولیس نے موٹر وے ایم ون پر پٹرولنگ کے دوران راولپنڈی سے چوری ہونے والی گاڑی برآمد کر لی ترجمان موٹروے پولیس نارتھ زون کی طرف سے اتوار کو جاری بیان کے مطابق موٹر وے ایم ون پر چھچ انٹرچینج کے قریب موٹروے پولیس نے ایک مہران گاڑی لاوارث حالت میں سڑک کے کنارے دیکھی ۔ شک کی بنیاد پر گاڑی کے بارے میں معلومات اسلام آباد، راولپنڈی اور ملحقہ علاقوں سے حاصل کی گئیں جس سے معلوم ہوا کہ گاڑی گزشتہ روز راولپنڈی کے پولیس اسٹیشن وارث شاہ سے چوری ہوئی تھی ۔گاڑی کو حفاظتی تحویل میں لیتے ہوئے متعلقہ پولیس اور گاڑی کے مالک کو اگاہ کر دیا گیا اور بعدزاں ابتدائی قانونی کاروائی مکمل کرتے ہوئے ،گاڑی کو مالک کی موجودگی میں متعلقہ پولیس کے حوالے کر دیا گیا۔ ملزمان کی تلاش شروع کر دی گئی ہے ۔