کراچی میں کھلے مین ہول نے ایک اور معصوم کی جان لے لی ۔گورنرکامران ٹیسوری کی لواحقین سے اظہار تعزیت

کراچی ( کرائم رپورٹر)بلدیہ مواچھ گوٹھ میں گلی میں کھیلنے کے دوران 4 سال کی بچی گٹر میں گرکر جاں بحق ہوگئی۔علاقہ مکینوں کا کہنا ہےکہ اس علاقے میں شاید ہی کوئی ایسا گٹر ہو جس پر ڈھکن ہو، شہریوں نے علاقےکے تمام کھلے ہوئے مین ہولز  پر ڈھکن لگانے کا مطالبہ کیا ہے دوسری جانب
گورنر سندھ کامران ٹیسوری نے کہا کہ یہ میرا کام نہیں لیکن پھر بھی میئر کو فون کیا اور تمام گٹروں پر ڈھکن لگانے کی ہدایت کی۔ میئر کراچی کو کہتا ہوں کہ جہاں ڈھکن نہیں وہاں فوری لگائیں۔انھوں نے کہا کہ جاں بحق ہونے والی بچی کے لواحقین سے تعزیت کرتا ہوں اور بچی کے گٹر میں گر کر جاں بحق ہونے پر بہت رنجیدہ ہوں –