القاعدہ کے دو کمانڈوں سمیت 8دہشتگرد گرفتار

لاہور (نمائندہ خصوصی) کاﺅنٹر ٹیرر ازم ڈیپارٹمنٹ نے پنجاب کے مختلف شہروں میں انٹیلی جنس بیسڈ آپریشن کرکے8 مبینہ دہشتگردوں کو گرفتار کر لیا، القاعدہ کے دو اہم کمانڈروں کو لاہور سے گرفتار کیا گیا ۔ ترجمان سی ٹی ڈی کے مطابق پنجاب کے مختلف شہروں میں خفیہ اطلاعات پر آپریشن کئے گئے اور ان کارروائیوں کے دوران 8 مبینہ دہشتگرد گرفتارکرلیا گیا ہے۔حکام کے مطابق لاہور سے القاعدہ کے 2 اہم کارندے گرفتار کیے گئے ہیں ۔دہشتگردوں سے بارودی مواد، دستی بم اوراسلحہ بھی برآمد کرلیا گیاہے۔دہشتگردوں کے خلاف مقدمات درج کرکے تفتیش جاری کر دی گئی ہے۔ حکام کے مطابق رواں ہفتے336 کومبنگ آپریشنز کے دوران 135 مشتبہ افراد گرفتار کیے گئے ہیں۔