پنجاب حکومت نے سانحہ جڑانوالہ کی تحقیقات کیلئے کمیٹی تشکیل دیدی

لاہور (نمائندہ خصوصی) پنجاب حکومت نے سانحہ جڑانوالہ کی تحقیقات کے لئے کمیٹی قائم کردی کردی جو سانحہ کے اسباب و وجوہات تلاش کرے گی۔نگراں پنجاب حکومت نے سانحہ جڑانوالہ کی تحقیقات کے لئے کمیٹی تشکیل دے دی ہے اور صوبائی محکمہ داخلہ نے کمیٹی کے قیام کا نوٹیفکیشن بھی جاری کردیا ہے۔نوٹیفکیشن کے مطابق ڈی آئی جی سپیشل برانچ فیصل علی راجہ کمیٹی کے کنوینئر مقرر کیے گئے ہیں اور ڈی آئی جی کاﺅنٹر ٹیررازم ڈیپارٹمنٹ عبدالغفار قیصرانی، ایڈیشنل سیکرٹری داخلہ انٹرنل سیکورٹی عثمان خالد کمیٹی کے رکن ہوں گے۔نوٹیفکیشن کے مطابق کمیٹی سانحہ کے اسباب و وجوہات تلاش کرے گی، اور واقعہ میں ملوث عناصر کی نشان دہی کرے گی۔کمیٹی وقوعہ کے روز ضلعی انتظامیہ اور پولیس کی پیشہ وارانہ زمہ داریوں کا بھی جائزہ لے گی اور مستقبل میں ایسے واقعات کے روک تھام کے لئے اپنی سفارشات مرتب کرے گی۔واضح رہے کہ جڑانوالہ میں جلاﺅ گھیراﺅ کے واقعات کی تحقیقاتی رپورٹ میں بتایا گیا تھا کہ جلاﺅ گھیراﺅ کے واقعات میں 19 چرچ چلائے گئے اور مظاہروں میں 86 مکانات کی توڑ پھوڑ کرکے جلایا گیا۔