گوگل نے نیا اوپن اے آئی ماڈل ’’جیما 4‘‘ متعارف کرا دیا

سان فرانسسکو۔(نیوز ڈیسک انٹرنیشنل ڈیسک):گوگل نے اپنے جدید اوپن آرٹیفیشل انٹیلی جنس ماڈل ’’جیما 4‘‘ (Gemma 4) متعارف کرا دیا ہے۔شنہوا کے مطابق گوگل نے کہا ہے کہ ’’جیما 4 ‘‘جدید ریزننگ اور خودکار (ایجنٹک) ورک فلو کے لیے تیار کیا گیا ہے اور اسے Apache License 2.0 کے تحت جاری کیا گیا ہے تاکہ ڈویلپرز کے لیے جدید اے آئی ٹیکنالوجی تک رسائی آسان بنائی جا سکے۔گوگل کا کہنا ہے کہ یہ ماڈل اسی تحقیق اور ٹیکنالوجی پر مبنی ہے جس پر Gemini سیریز تیار کی گئی اور اسے چار مختلف سائز میں پیش کیا گیا ہے تاکہ یہ اینڈرائیڈ ڈیوائسز، لیپ ٹاپس اور بڑے کمپیوٹنگ سسٹمز پر بھی کام کر سکے۔جیما4کی نمایاں خصوصیات میں ملٹی سٹیپ پلاننگ، پیچیدہ منطقی صلاحیتیں اور خودکار ایجنٹس بنانے کی سہولت شامل ہے جو مختلف ٹولز اور اے پی آئیز (APIs )کے ساتھ تعامل کر سکتے ہیں۔ اس کے علاوہ یہ کوڈ جنریشن کی صلاحیت رکھتا ہے اور تصاویر و وڈیوز کو بھی براہِ راست پراسیس کر سکتا ہے۔گوگل کے مطابق اس ماڈل میں 128 ہزار سے 256 ہزار ٹوکنز تک کا کانٹیکسٹ ونڈو موجود ہے اور اسے 140 سے زائد زبانوں پر تربیت دی گئی ہے۔کمپنی نے مزید بتایا کہ جیماسیریز کو اب تک 40 کروڑ سے زائد مرتبہ ڈاؤن لوڈ کیا جا چکا ہے جبکہ عالمی ڈویلپر کمیونٹی ’’جیماورز‘‘کے تحت ایک لاکھ سے زائد مختلف ویریئنٹس تیار کیے جا چکے ہیں۔