اسلام آباد۔( نمائندہ خصوصی):بی جے پی حکومت مذموم سیاسی عزائم کے لئے پاکستان کے خلاف گمران کن بیانات اور مضحکہ خیز الزامات میں مصروف ہے اورشکست کےخوف سے دوچار آسام کے وزیراعلیٰ ہمنت بسوا سرما نے اندرونی سیاست میں بھی 
پاکستان کو دھکیل دیا ہے۔ انتخابات میں مذموم سیاسی مفاد کے لئے پاکستان پر جھوٹے الزامات،مسلمانوں کے خلاف تعصب اور فالس فلیگ بی جے پی کا پرانا ہتھکنڈا ہے۔انتہاپسندی پر کاربند مودی نے عوامی جذبات بھڑکانے کے لئے بھارتی جماعت کانگریس 
کو پاکستان کے ایجنڈے پر کام کرنےوالی پارٹی قرار دے دیا ہے۔ بھارتی جریدہ دی اکنامک ٹائمز کے مطابق آسام کے وزیراعلیٰ ہمنت بسواسرمانے جھوٹا الزام لگایا ہے کہ ان کی اہلیہ پر پاسپورٹ تنازع میں بھی پاکستان کا کردار ہے ۔آسام کے وزیراعلیٰ نے 
پاکستان پر کانگریس کی مدد کا مضحکہ خیز الزام لگایا ہے کہ پاکستان ہمارے آسام کے انتخابات میں اثرڈالے گا ۔ماہرین کے مطابق بھارت میں انتخابات سے قبل پاکستان پر الزامات ، فالس فلیگ آپریشن اور مسلمانوں کےخلاف زہریلی مہمات بی جے پی کا وطیرہ بن چکی ہیں ،غیر مقبول بی جےپی بھارتی ریاستوں میں انتخابات سے قبل پاکستان مخالف جذبات ابھار کر سیاسی عزائم کے حصول کی ناکام کوششیں کر رہی ہے۔
بی جے پی حکومت مذموم سیاسی عزائم کے لئے پاکستان کے خلاف گمران کن بیانات اور مضحکہ خیز الزامات میں مصروف
