اسلام آباد: پیپلز پارٹی کا وفاق میں مسلم لیگ ن کی حکومت میں شامل نہ ہونے کا فیصلہ

اسلام آباد(نمائندہ خصوصی): پیپلز پارٹی نے وفاق میں مسلم لیگ ن کی حکومت میں شامل نہ ہونے کا فیصلہ کیا ہے۔ذرائع کے مطابق پیپلزپارٹی کی سینٹرل ایگزیکٹوکمیٹی کا اجلاس میں فیصلہ کیا ہے کہ ملک کے وسیع تر مفاد میں پیپلزپارٹی وفاق میں حکومت سازی میں مسلم لیگ ن کی مدد کرے گی۔ذرائع کا کہنا ہے کہ پیپلزپارٹی صوبہ سندھ اور بلوچستان میں حکومت بنائے گی۔ذرائع کے مطابق پیپلزپارٹی چیئرمین سینیٹ، اسپیکر قومی اسمبلی کے عہدے مانگے گی۔اس کے علاوہ پیپلزپارٹی صدرمملکت اور چاروں صوبائی گورنر کے عہدے بھی مانگے گی۔بلاول بھٹو کا بھی کہنا ہے کہ نون لیگ کے وزارت عظمی کے امیدوار کو ووٹ دیں گے مگر حکومت میں شامل نہیں ہوں گے