صدرمملکت نے سیدنا مفضل سیف الدین کو نشان پاکستان کا اعزاز عطا کیا

اسلام آباد( نمائندہ خصوصی) صدر مملکت ڈاکٹر عارف علوی نے پاکستان سمیت دنیا کے مختلف حصوں میں تعلیم کے فروغ ،صحت ،ماحولیاتی اور سماجی تحفظ کے شعبے میں خدمات پر داﺅدی بوہرہ برادری کے داعی و سربراہ ڈاکٹر سیدنا مفضل سیف الدین کو نشان پاکستان کا اعزاز دیا۔منگل کو ایوان صدر میں اس حوالےسے پروقار تقریب منعقد ہوئی۔ نگران وزیر خارجہ جلیل عباس جیلانی ، نگران وفاقی وزیر مذہبی امور ڈاکٹر انیق احمد ، گورنر سندھ کامران احمد ٹیسوری اور اسلامی نظریاتی کونسل کے چیئرمین ڈاکٹر قبلہ ایاز تقریب میں شریک تھے۔ صدر ڈاکٹر عارف علوی نے داﺅدی بوہرہ برادری کے داعی و سربراہ ڈاکٹر سیدنا مفضل سیف الدین کو نشان پاکستان سے نوازا۔ تقریب میں شرکا کو بتایا گیا کہ ڈاکٹر سیدنا مفضل سیف الدین داو¿دی بوہرہ کمیونٹی کے 53 ویں داعی اور سربراہ ہیں۔ان کے پیروکار تمام براعظموں میں پھیلے ہوئے ہیں۔ ان کے پیروکاروں کی ایک بڑی تعداد پاکستانی شہریوں کی بھی ہے۔ شرکا کو بتایا گیا کہ ڈاکٹر سیدنا مفضل سیف الدین پاکستان کے لیے خصوصی احترام کے ساتھ ساتھ امن، ہم آہنگی اور خیر سگالی کے حامی ہیں۔