غزہ (نمائندہ خصوصی)غزہ جنگ میں7 اکتوبر سے اب تک ہلاک اسرائیلی فوجیوں کی تعداد 395 ہوگئی۔ اسرائیلی اخبار نے انکشاف کیا ہےکہ اسرائیل غزہ جنگ میں ایک ہزار فوجی زخمی ہیں اور ہلاک اسرائیلی فوجیوں کی تعداد 
395 تک جاپہنچی ہے۔ ادھر فلسطین کی مزاحمتی تنظیم حماس کے ترجمان اُسامہ حمدان نے کہاکہ ہلاک اسرائیلی فوجیوں کی تعداد بتائی گئی تعدادسےکہیں زیادہ ہے، اسرائیل غزہ میں عسکری اور سیاسی دونوں لحاظ سے بری طرح ناکام ہوا۔ حماس کے ترجمان اُسامہ حمدان نے مزید کہا اسرائیل اپنا کوئی بھی مقصد حاصل نہیں کرسکا، اسرائیلی جیلوں میں فلسطینی قیدی نہ ہوتے تو ہمیں اسرائیلیوں کویرغمالی بنانے کی ضرورت نہ ہوتی۔
