راولپنڈی(نمائندہ خصوصی) کےپی کے میں سیکیورٹی فورسز نے ڈیرہ اسماعیل خان اورجنوبی وزیرستان کے علاقےمیں دو الگ کارروائیوں میں 3دہشت گرد جہنم واصل کر دئیے گئے تفصیلات کے مطابق 20 نومبر 2023 کو، ڈیرہ اسماعیل خان کے جنرل علاقے کلاچی میں انٹیلی جنس پر مبنی آپریشن کیا گیا اور شدید فائرنگ کے تبادلے کے بعد، دو دہشگرد مارے گئے۔جنوبی وزیرستان کے علاقے کوٹ اعظم میں کی گئی ایک الگ کارروائی میں ایک اور 
دہشتگرد مارا گیا۔مارے گئے تینوں دہشت گردوں سے ہتھیار اور گولہ بارود بھی برآمد ہوا، جو سیکورٹی فورسز کے ساتھ ساتھ معصوم شہریوں کے خلاف متعدد دہشت-گردانہ سرگرمیوں میں سرگرم رہے۔ایک اور واقعہ میں جو کہ شمالی وزیرستان کے علاقے غوریوم میں پیش آیا، ایک دیسی ساختہ بم پھٹ گیا جس کے نتیجے میں، سپاہی شاہ زیب (عمر: 26 سال، رہائشی: ضلع راولپنڈی) نے شہادت کو گلے لگا لیا۔علاقے میں موجود کسی بھی دہشتگرد کو ختم کرنے کے لیے سینی ٹائزیشن آپریشنز کیے جا رہے ہیں کیونکہ پاکستان کی سیکیورٹی فورسز دہ- شت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیے
