احمد آباد ( نیٹ نیوز/ اسپورٹس ڈیسک/مانیٹرنگ ڈیسک)کرکٹ ورلڈ کپ 2023 میں سب سے بڑا مقابلہ آج 
پاکستان اور بھارت کے درمیان ہوگا، 1 لاکھ 30 ہزار کی گنجائش والے اسٹیڈیم میں شائقین کرکٹ کو اعصاب شکن مقابلے کی امید ہے۔بھارت اب تک اپنے دونوں میچز جیت کر میدان میں اتر رہا ہے تو پاکستان نے بھی نیدر لینڈز اور سری لنکا کے خلاف کامیابیاں حاصل کی ہیں۔پاکستان اور بھارت کی ٹیموں کی تیاریاں مکمل ہوگئیں، بس اب 
میدان میں کچھ کر دکھانے کا وقت ہے، شائقین کرکٹ بابر اعظم، محمد رضوان اور شاہین آفریدی سے امید لگائے بیٹھے ہیں۔احمداباد پاکستانی ٹیم کےذرائع کے مطابق گرین شرٹس وننگ کمبی نیشن کو برقرار رکھتے ہوئے بھارت کے خلاف میدان میں اترے گی۔پاکستان اب تک بھارت سے ورلڈ کپ میں کبھی کوئی میچ نہیں جیتا، دونوں ٹیموں کے درمیان 7 میچز ہوئے، جن میں بھارت فاتح رہا لیکن شاہینوں نے اس بار اسی کے ہوم گراونڈ پر بھارت کو شکست دینے کی ٹھان لی۔واضح رہے ون ڈے فارمیٹ میں پاکستان بھارت سے بہت آگے ہے، اب تک کھیلے گئے 134 میچز میں سے 73 پاکستان اور 56 بھارت نے جیتے ہیں جبکہ 5 مقابلوں کا فیصلہ نہ ہوسکا۔
