اسلام آباد (نمائندہ خصوصی) دنیا کے مختلف ممالک میں فلسطینیوں سے اظہاریکجہتی کیلئے مظاہروں کا سلسلہ جاری ہے۔گزشتہ روز حماس کے اسرائیل پر منظم اور کامیاب حملے کے بعد فلسطینیوں نے مختلف علاقوں میں جشن منایا، غزہ میں اسرائیل کے تباہ شدہ ٹینک اور موبائل پر کھڑے ہوکر نوجوانوں نے نعرے لگائے۔اس کے علاوہ ایران میں بھی حماس کے حملوں پر جشن کا سماں ہے، تہران میں فلسطین اسکوائر پر آتش بازی کی گئی جبکہ ترکیہ کے شہر استنبول میں بھی اظہار یکجہتی کی ریلی نکالی گئی۔ریلی میں ہزاروں افراد نے شرکت کی اور مظاہرین نے ہاتھوں میں فلسطین اور مزاحمتی تحریک حماس کے پرچم اٹھا رکھے تھے۔حماس کے حملوں میں کرنل سمیت ہلاک اسرائیلیوں کی تعداد 600 سے متجاوز، 1590 افراد زخمییمن کے دارالحکومت صنعا میں بھی فلسطینیوں کی حمایت میں ہزاروں افراد نکل ائے اور اسرائیل پر ہونے والے حملوں پر جشن منایا۔یمن کے علاوہ عراق اور اردن سمیت دنیا کے کئی ملکوں میں حماس کی حمایت میں مظاہرے ہوئے ہیں۔
