سائفر تحقیقات، علی محمد خان کاجوڈیشل کمیشن کے قیام مطالبہ

اسلام آباد (نمائندہ خصوصی) رہنماءپی ٹی آئی علی محمد خان نے سائفر تحقیقات کیلئے جوڈیشل کمیشن کے قیام کا مطالبہ کرتے ہوئے کہا ہے کہ کیس میں عمران کی گرفتاری غلط ہے، تحقیقات کے حق میں ہوں مگر ایسے نہیں جیسے ہو رہی ہے۔میڈیا سے گفتگو کرتے ہوئے علی محمد خان نے کہا کہ سائفرکیس میں عمران خان کی گرفتاری غلط ہے، صدر کو بتایا ہے کہ 2نیشنل سکیورٹی کمیٹیز میں بیرونی مداخلت کی بات ہوئی، مداخلت کیوں ہوئی،اسے کیسے روکا جاسکتا ہے اس کے لئے سائفر کیس کی تحقیقات کے حق میں ہوں مگر یہ ایسی نہیں ہونی چاہئے جیسے عمران خان اور شاہ محمود کے ساتھ ہو رہی ہے۔انہوں نے کہا کہ سائفر کیس کی تحقیقات کے لئے سپریم کورٹ کی نگرانی میں آزاد جوڈیشل کمیشن قائم ہونا چاہئے۔انہوں نے کہاکہ صدر علوی پرانے سیاست دان ہیں، امید ہے انتخابات وقت پر ہو جائیں گے۔پرویز خٹک کے پی ٹی آئی توڑنے بارے سوال پر علی محمد خان نے کہا کہ انہیں کہیں ٹرائی ٹرائی اگین۔