اسلام آباد (نمائندہ خصوصی)نگران وفاقی وزیر اطلاعات مرتضیٰ سولنگی نے نگران وزیر اعلی سندھ جسٹس (ر) مقبول باقر سے ٹیلیفون پر گفتگو کی جس میں مرتضیٰ سولنگی نے نگران وزیر اعلی سندھ کی ذمہ داری سنبھالنے پر جسٹس (ر) مقبول باقر کو مبارک دی ۔دونوں رہنماﺅں نے انتخابات کے شفاف انعقاد میں الیکشن کمیشن کی بھرپور مدد کے عزم کا اعادہ کیا ۔نگران وزیر اطلاعات نے نگران وزیر اعلی سندھ سے مقتول صحافی جان محمد مہر کے کیس کے حوالے سے بھی گفتگو کی ۔نگران وزیر اعلی سندھ نے نگران وزیر اطلاعات سے گفتگو کرتے ہوئے کہاکہ مقتول صحافی کے کیس میں پیش رفت جاری ہے، نگران وزیر اعلیٰ نے مرتضی سولنگی کو نگران وفاقی وزیر بننے پر بھی مبارک دی۔
نگران وفاقی وزیر اطلاعات کا نگران وزیر اعلیٰ سندھ کو ٹیلیفون ، ذمہ داریاں سنبھالنے پر مبارکباددی
Please login to join discussion