کراچی میں سب سے زیادہ بارش سرجانی ٹاﺅن میں 100 ملی میٹرریکارڈ

کراچی(نمائندہ خصوصی) شہر قائد میں سب سے زیادہ بارش سرجانی ٹاﺅن میں 100 ملی میٹر ریکارڈ کی گئی۔محکمہ موسمیات نے کراچی میں گزشتہ 24 گھنٹوں کے دوران ہونے والی بارش کے اعداد و شمار جاری کر دیئے ہیں۔سعدی ٹاﺅن میں 58، گلشنِ معمار میں 54، یونیورسٹی روڈ پر 52، نارتھ کراچی میں 51، اورنگی ٹاﺅن میں 43، جناح ٹرمینل پر 31، گلشنِ حدید میں 24 اور اولڈ ایئرپورٹ پر 23 ملی میٹر بارش ریکارڈ کی گئی۔اس کے علاوہ ناظم آباد12.3،کورنگی7.6اورڈی ایچ اے فیزٹومیں6.9ملی میٹربارش ریکارڈ کی گئی ،جبکہ پی اے ایف مسروربیس7.5، کیماڑی6اورصدرمیں2ملی میٹربارش ہوئی۔گزشتہ شب شروع ہونے والی بارش صبح بھی وقفے وقفے سے جاری رہی۔ گلشنِ اقبال، بہادرآباد، محمد علی سوسائٹی اور اطراف کے علاقوں میں ہلکی بارش ہوئی۔مسلسل تیز بارش کے باعث شہر کے نشیبی علاقے زیر آب آگئے جبکہ برساتی نالے بھر جانے سے اہم شاہراہوں پر پانی کھڑا ہوگیا جس کے باعث عوام کو مشکلات کا سامنا ہے۔