پشاور،محرم میں تخریب کاری کا منصوبہ ناکام، 10 دہشتگرد گرفتار

پشاور(نمائندہ خصوصی) محکمہ انسدادِ دہشت گردی (سی ٹی ڈی) نے پشاور میں محرم الحرام میں تخریب کاری کا منصوبہ ناکام بنا دیا۔محرم الحرام میں تخریب کاری کی منصوبہ بندی کرنے والے 10 دہشت گردوں کو گرفتار کر لیا گیا۔سی ٹی ڈی کے مطابق گرفتار کیے گئے دہشتگردوں کا تعلق کالعدم تنظیم داعش سے ہے۔محکمہ انسدادِ دہشت گردی کے مطابق ان دہشتگردوں کو پشاور اور ہنگو سمیت مختلف علاقوں سے گرفتار کیا گیا ۔سی ٹی ڈی کے مطابق کالعدم تنظیم داعش کے یہ کارندے تخریب کاری کا بڑا منصوبہ بنا رہے تھے۔محکمہ انسدادِ دہشت گردی (سی ٹی ڈی) نے بتایا کہ گرفتار دہشت گردوں میں ٹارگٹ کلرز بھی شامل ہیں، تمام ملزمان سے مزید تفتیش جاری ہے۔