کراچی(نمائندہ خصوصی) پاکستان انٹرنیشنل ایئر لائنز(پی آئی اے)نے ایک ایئربس 320 اور 2 نئے بوئنگ 777 خریدنے کا فیصلہ کیا ہے۔ذرائع پی آئی اے کے مطابق پی آئی اے نے 2 نئے بوئنگ 777 خریدنے کا فیصلہ کرلیا ، ایک بوئنگ 777 رواں ماہ دسمبر اور دوسرا آئندہ ماہ جنوری 2023 میں بیڑے میں شامل ہوگا۔ذرائع پی آئی اے نے بتایاکہ خریدے گئے نئے طیاروں میں ایک ایئربس 320 ہے 2 بوئنگ 777 طیارے شامل ہے، خریدی گئی ایئر بس 320 بیرون ملک سے پاکستان پہنچ گئی ہے۔ذرائع پی آئی اے نے کہاکہ نئے جہازوں کی شمولیت سے پی آئی اے کی آمدنی میں اضافہ ہوگا۔
