بہاولپور :ٹیوٹا ملازمین اسپیشل الاؤنس نہ ملنے پر سراپا احتجاج۔

بہاولپور (نمائندہ خصوصی ) ٹیوٹا ملازمین اسپیشل الاؤنس نہ ملنے پر سراپا احتجاج۔ ہماری حق تلفی ہورہی ہے مہنگائی کے دور میں گزر بسر مشکل ہوگیا۔ گورنمنٹ سٹاف ٹریننگ کالج بہاولپور کے ملازمین کا ٹیوٹا انتظامیہ اور وزیر اعلیٰ پنجاب پرویز الٰہی سے 2021، 2022 کے الاؤنس کا مطالبہ۔ تفصیل کے مطابق گورنمنٹ سٹاف ٹریننگ کالج کے ٹیچنگ نان ٹیچنگ سٹاف نے بازوؤں پر سیاہ پٹیاں باندھ کر کالج کی مکمل طور پرتالا بندی کی اور اپنا احتجاج ریکارڈ کروایا اس موقع پر سٹاف یونین کے صدر رانا عرفان احمد نے کہا ٹیوٹا ملازمین کا معاشی قتل بند کیا جائے انہوں نے مزید کہا کہ اگر یہ فورا نوٹیفکیشن جاری نہ کیا گیااور امتیازی سلوک ختم نہ کیا تو تمام ملازمین لاہور میں اپنا احتجاج کرنے کا حق رکھتے ہیں۔اور گرینڈ الائنس کی کال پر سوموار سے پنجاب کے تمام اداروں کی مکمل تالا بندی کی جاۓ گی۔