لاہور (نمائندہ خصوصی)
ایف آئی اے لاھور اور گجرانوالہ کی کاروائیاں – ریڈبک کے انتہائی مطلوب اشتہاری سمیت 3 ملزمان گرفتار کر لیا گیا تفصیلات کے مطابق اینٹی ہیومن ٹریفیکنگ سرکل لاھور نے کامیاب کاروائی کرتے ہوئے ریڈ بک کے انتہائی مطلوب ملزم عامر جاوید کو گرفتار کرلیا۔ ملزم 9 سے زائد مقدمات میں مطلوب تھا۔
ملزم نے شکایت کنندگان سے بیرون ممالک امیگریشن کا جھانسہ دے کر مجموعی طور پر 65 لاکھ سے زائد کی رقم ہتھیائی۔ایک اور کاروائی میں انسانی سمگلر محمد شہزاد کو وزیرآباد سے گرفتر کر لیا۔ ملزم نے شکایت کنندہ کو بیرون ملک فرانس کا جعلی ویزے دیتے ہوئے 23 لاکھ روپے ہتھیائے۔
ایف آئی اے گجرانوالہ نے کامیاب ریڈ کرتے ہوئے انسانی سمگلنگ میں ملوث ملزم رانا ظفر اقبال کو گرفتار کر لیا۔ گرفتار ملزمان سے مزید تفتیش جاری ہے۔
