لاہور( بیورورپورٹ )وزیر خارجہ و چیئرمین پاکستان پیپلز پارٹی بلاول بھٹو زرداری نے کہا ہے کہ عمران خان اور اس کے حواری ملک کے لئے سیکورٹی رسک بن چکے ہیں،ممنوعہ فارن فنڈنگ اور توشہ خانے کا پوچھنے پر یہ گالم گلوچ کرتے ہیں۔وہ گزشتہ روز وزارت خارجہ اسلام آباد میں ملاقات کے لئے جانے والے پیپلز پارٹی لاہور کے صدر چودھری اسلم گل سے ملاقات کے دوران گفتگو کر رہے تھے۔
بلاول بھٹو زرداری نے مزید کہا کہ ملک میں مزیدانتشار اور فتنہ پھیلانے کا بیانیہ کامیاب نہیں ہو گا۔ملاقات میں پیپلز پارٹی لاہور کے تنظیمی امور پر بھی تفصیلی تبادلہ خیال کیا گیا۔چیئرمین پیپلز پارٹی نے لبرٹی چوک میں کامیاب جلسے پر بھی اسلم گل کو مبارکباددی۔چودھری اسلم گل نے اس موقع پرپارٹی کے ڈسٹرکٹ اور زونل عہدیداروں کی کارکردگی رپورٹ بھی پیش کی۔
