انسپیکٹر شرافت خان کا سب انسپکٹر شاہد کے ہمراہ ہل پارک ، ایل آر بی ٹی اور چنیوٹ اسپتال کے دورہ۔طبی سہولیات کا جائزہ

کراچی ( کرائم رپورٹر)انچارج ویلفیئر برانچ کراچی پولیس آفس انسپیکٹر شرافت خان نے سب انسپکٹر شاہد کے ہمراہ ہل پارک اسپتال، ایل آر بی ٹی اسپتال اور چنیوٹ اسپتال کورنگی کا اچانک دورہ کیا تاکہ پولیس افسران، جوانوں اور ان کے اہل خانہ کو فراہم کی جانے والی طبی سہولیات کا جائزہ لیا جا سکے۔ہل پارک اسپتال میں انہوں نے ویلفیئر آفیسر ایس آئی یو/سی آئی اے اے ایس آئی ہمایوں کاظمی سے ملاقات کی اور زیرِ علاج پولیس کانسٹیبل سلیم کی عیادت کرتے ہوئے ان کے علاج، سہولیات اور درپیش مسائل سے متعلق بریفنگ حاصل کی۔ انہوں نے ہسپتال انتظامیہ سے مریض کو بہتر سہولیات کی فراہمی اور کمرہ تبدیل کرنے کے حوالے سے بھی بات چیت کی۔ایل آر بی ٹی اسپتال میں فوکل پرسن انسپیکٹر طالب و اسٹاف کی کارکردگی، مریضوں کے ریکارڈ اور پولیس ملازمین و ان کے اہل خانہ کو فراہم کی جانے والی سہولیات کا جائزہ لیا۔ انہوں نے زیرِ علاج پولیس اہلکاروں سے ملاقات کر کے ان کی خیریت دریافت کی اور فوکل ٹیم کی خدمات کو سراہا۔چنیوٹ اسپتال کورنگی کے دورے کے دوران انہوں نے ڈیوٹی پر موجود فوکل پرسن پولیس کانسٹیبل سعید سے ملاقات کی مریضوں کو فراہم کی جانے والی سہولیات کا جائزہ لیا اور انتظامات پر اطمینان کا اظہار کیا۔