کوئٹہ ( نمائندہ خصوصی) بلوچستان عوامی پارٹی کے شعبہ خواتین کی سربراہ ایمان پاکستان ٹرسٹ کی چیئرپرسن اور رکن بلوچستان اسمبلی محترمہ فرح عظیم شاہ نے مادرِ ملت محترمہ فاطمہ جناح کی 59ویں برسی کے موقع پر انہیں خراجِ عقیدت پیش کرتے ہوئے ان کی مغفرت بلندیٔ درجات اور جنت الفردوس میں اعلیٰ مقام کے لیے دعا کی محترمہ فرح عظیم شاہ نے مزید کہا کہ پاکستانی قوم مادرِ ملت محترمہ فاطمہ جناح کی قومی جمہوری اور سیاسی خدمات 
کو ہمیشہ عقیدت اور احترام سے یاد رکھتی ہے انہوں نے قائدِاعظم کے لیے محترمہ فاطمہ جناح کی بے مثال محبت وفاداری اور جذبۂ ایثار کو زبردست خراجِ تحسین پیش کیا ۔محترمہ فرح عظیم شاہ نےکہا کہ بابائے قوم حضرت قائد اعظم کی علامت کے موقع پر زیارت ریزیڈنسی میں محترمہ فاطمہ جناح نے جس جانفشانی اور محبت سے اپنے بھائی اور بابائے قوم کی خدمت کی وہ اپنی مثال آپ ہےرکن بلوچستان اسمبلی نے کہا کہ محترمہ فاطمہ جناح ہر بہن اور ہر بیٹی کے لیے ایک مثالی رول ماڈل ہیں مشکل اور نامساعد حالات میں ان کی ثابت قدمی عزم اور حوصلہ آج بھی ہمارے لیے مشعلِ راہ ہے محترمہ فرح عظیم شاہ نے کہا کہ محترمہ فاطمہ جناح نے اپنی عملی جدوجہد سے ثابت کیا کہ خواتین ملک و قوم کی تعمیر و ترقی میں مؤثر مثبت اور قائدانہ کردار ادا کرنے کی بھرپور صلاحیت رکھتی ہیں
