لزبن (نمائندہ خصوصی)پرتگال کے دارالحکومت لزبن میں مسلم لیگ (ن )پرتگال کے زیرِ اہتمام بنیان مرصوص، معرکۂ حق کے حوالے سے ایک پروقار تقریب کا انعقاد کیا گیا جس میں پاکستان زندہ باد اور پاک فوج زندہ باد کے فلک شگاف نعرے 
لگائے گئے۔تقریب میں مسلم لیگ ن پرتگال کے چیئرمین سرفراز فرانسیس وکی، صدر شمع بٹ، پیٹرن چیف سہیل جرال اور صدر یوتھ ونگ رضی وحید نے خصوصی شرکت کی۔اس موقع پر افواجِ پاکستان کو زبردست خراجِ تحسین پیش کیا گیا جبکہ جشن کا کیک بھی کاٹا گیا۔مقررین کا کہنا تھا کہ آج کا دن اس بات کی یاد دلاتا ہے کہ افواجِ پاکستان دنیا کی بہترین افواج میں شامل ہیں، جو ہر قسم کے دشمن کو منہ توڑ جواب دینے اور ملکی سرحدوں کے دفاع کی بھرپور صلاحیت رکھتی ہیں۔شرکاء نے اس عزم کا اظہار کیا کہ اوورسیز پاکستانی ہمیشہ اپنی افواج کے شانہ بشانہ کھڑے رہیں گے اور وطنِ عزیز کی سلامتی، استحکام اور ترقی کے لیے متحد رہیں گے۔
