وفاقی حکومت نے پٹرولیم مصنوعات کی قیمتوں میں کمی کا نوٹیفکیشن جاری کر دیا

اسلام آباد( نمائندہ خصوصی):وفاقی حکومت نے پٹرولیم مصنوعات کی قیمتوں میں کمی کا نوٹیفکیشن جاری کر دیا ہے۔پٹرولیم ڈویژن کی جانب سے جاری پریس ریلیز کے مطابق ہائی اسپیڈ ڈیزل کی قیمت میں 134.81 روپے فی لیٹر کمی کے بعد 520.35 روپے فی لیٹر سے کم کر کے نئی قیمت 385.54 روپے فی لیٹر مقرر کی گئی ہے۔اسی طرح پٹرول (موٹر اسپرٹ) کی قیمت میں 11.83 روپے فی لیٹر کمی کے بعد378.41 روپے فی لیٹر سے کم کر کے نئی قیمت 366.58 روپے فی لیٹر مقرر کی گئی ہے۔ نئی قیمتوں کا اطلاق آج رات 12 بجے سے ہو گا۔