سرکاری فنڈز میں خورد برد،ایف آئی اے کا ملیر اور کورنگی میں بی آئی ایس پی کے دفاتر پر چھاپہ

اسلام آباد۔( نمائندہ خصوصی):ایف آئی اے اینٹی کرپشن سرکل نے بی آئی ایس پی فنڈز میں منظم کرپشن کی شکایات پر ملیر اور کورنگی میں موجود دفاتر میں سرچ اور سیزر آپریشن کیا۔ ترجمان کے مطابق ٹیم نے موبائل فونز، لیپ ٹاپ اور اہم دستاویزات قبضے میں لے لی ہیں۔ابتدائی تحقیقات سے مستحقین کی رقم سے غیر قانونی کٹوتیوں اور آٹو ودراول کے ذریعے رقم ہڑپ کرنے کے شواہد ملے ہیں۔ انکوائری کے دوران کچھ فوت شدہ مستحقین کے ڈیتھ سرٹیفکیٹس بھی برآمد ہوئے ہیں جن کے نام پر رقم نکلوائی جا رہی تھی۔