چانسلر کرسچئین اسٹاکر کے ساتھ انتہائی خوشگوار اور نتیجہ خیز ملاقات ہوئی، اقتصادی تعاون اور سرمایہ کاری سمیت مختلف شعبوں میں تعاون کے فروغ کےعزم کا اعادہ کیا گیا، وزیراعظم شہباز شریف

ویانا( نمائندہ خصوصی):وزیر اعظم محمد شہباز شریف نے دورہ آسٹریا کو خصوصی اہمیت کا حامل قرار دیتے ہوئے کہا ہے کہ چانسلر کرسچئین اسٹاکر کے ساتھ ان کی انتہائی خوشگوار اور نتیجہ خیز ملاقات ہوئی، اقتصادی تعاون، سرمایہ کاری، سیاحت ،تعلیم اور آئی ٹی سمیت مختلف شعبوں میں تعاون کے فروغ کےعزم کا اعادہ کیا گیا۔پیر کو سماجی رابطے کی ویب سائٹ ایکس پر پیغام میں وزیراعظم نے کہا کہ تین دہائیوں سے زائد عرصے کے بعد آسٹریا کا یہ اعلیٰ سطح کا دورہ ہے، یہ دورہ پاکستان اور آسٹریا کے درمیان سفارتی تعلقات کے قیام کی 70ویں سالگرہ کے موقع کے ساتھ بھی ہم آہنگ ہے۔انہوں نے کہا کہ چانسلر کرسچئین اسٹاکر کے ساتھ ان کی نہایت خوشگوار اور نتیجہ خیز ملاقات ہوئی جس میں انہوں نے اس عزم کا اعادہ کیا کہ اقتصادی تعاون، تجارت و سرمایہ کاری، سیاحت، مہمان نوازی، تعلیم، آئی ٹی، صحت، افرادی قوت کی ترقی اور افرادی قوت سمیت مختلف شعبوں میں دوطرفہ تعلقات کو وسعت دینےکے لئے باہمی تعاون کو فروغ دیں گے۔