بانی پی ٹی آئی کے خاندان کے افراد کا جیل میں ناروا سلوک کے حوالے سے جھوٹا بیانیہ ختم ہو گیا، روزمرہ کے معمولات اور ڈائیٹ پلان سے متعلق رپورٹ نے تمام ابہام دور کر دیئے ہیں، عطاء اللہ تارڑ

اسلام آباد( نمائندہ خصوصی):وفاقی وزیر اطلاعات و نشریات عطاء اللہ تارڑ نے کہا ہے کہ علیمہ خان اور بانی پی ٹی آئی کے دیگر فیملی ممبران کی طرف سے بانی پی ٹی آئی کے ساتھ جیل میں مبینہ سختی اور نامناسب حالات سے متعلق پھیلایا جانے والا جعلی بیانیہ آج ختم ہو گیا ہے۔جمعرات کو سماجی رابطے کے پلیٹ فارم ”ایکس“ پر اپنی ایک پوسٹ میں انہوں نے کہا کہ روزمرہ کے معمولات اور ڈائیٹ پلان کے حوالے سے رپورٹ میں رہن سہن اور کھانے پینے سے متعلق تفصیلات نے تمام ابہام دور کر دیئے ہیں۔انہوں نے کہا کہ بانی چیئرمین کو تمام تر سہولیات میسر ہیں اور انہیں کسی عام قیدی سے کئی گنا زیادہ مراعات حاصل ہیں۔