ایچ بی ایل،پی ایس ایل نیلامی،سیالکوٹ اسٹالینز نے آسٹریلوی بیٹرسٹیو ن سمتھ کو 14کروڑ روپے میں ڈائریکٹ سائن کر لیا

لاہور۔( نمائندہ خصوصی):ایچ بی ایل ،پی ایس ایل کے گیارہویں ایڈیشن کی نیلامی کے دوران سیالکوٹ اسٹالینز نے آسٹریلوی اسٹار اسٹیو اسمتھ کو 14کروڑ روپے میں ڈائریکٹ سائن کیا۔ ریٹین کئے گئے کھلاڑیوں میں محمد نواز اور صاحبزادہ فرحان 6کروڑ 16لاکھ روپے، سلمان مرزا 3کروڑ 94لاکھ، احمد دانیال 2کروڑ 24لاکھ جبکہ سعد مسعود 84لاکھ روپے میں برقرار رکھے گئے۔غیرملکی کھلاڑیوں میں ایشٹن ٹرنر کو 4کروڑ 20لاکھ، پیٹر سڈل کو 2کروڑ 50لاکھ اور تبریز شمسی کو 2 کروڑ 20لاکھ روپے میں خریدا گیا۔وکٹ کیپر بیٹر جوش فلپے کو 2کروڑ 30لاکھ روپے میں ٹیم کا حصہ بنایا گیا۔مزید کھلاڑیوں میں مومن قمر کو 1کروڑ 7لاکھ 50ہزار روپے، اویس ظفر اور شان مسعود کو 60، 60لاکھ جبکہ جہانزیب سلطان، لشلن شا اور ڈیانو پاٹگئیٹر کو بھی 60، 60لاکھ روپے میں اسکواڈ میں شامل کیا گیا۔سیالکوٹ اسٹالینز نے آکشن میں مقامی اور غیرملکی کھلاڑیوں کا متوازن کمبی نیشن تیار کرتے ہوئے مضبوط لائن اپ تشکیل دی ہے۔