فہد مصطفیٰ ،ماہرہ خان اور تابش ہاشمی کی نئی فلم ’آگ لگے بستی میں‘ کا ٹیزر ریلیز

کراچی ( شوبز ڈیسک)شوبز انڈسٹری کے معروف اداکار فہد مصطفیٰ اور اداکارہ ماہرہ خان کی فلم ’آگ لگے بستی میں‘ کا ٹیزر ریلیز کردیا گیا۔اے آر وائی فلمز کی نئی فلم ’آگ لگے بستی میں‘ کا ٹیزر ریلیز ہوتے ہی مقبول ہوگیا، ٹیزر میں میگا اسٹار کاسٹ فہد مصطفیٰ، ماہرہ خان، جاوید شیخ اور تابش ہاشمی منفرد، زبردست انداز میں نظر آرہی ہے۔فلم کی ہدایت کاری کے فرائض بلال عاطف خان نے انجام دیے ہیں اور اس کی کہانی بھی انہوں نے ہی لکھی ہے۔ٹیزر میں دکھایا گیا ہے کہ فہد اور ماہرہ کو پتا چلتا ہے کہ لکڑ ہارے کے پاس ایسی مرغی ہے جو سونے کا انڈہ دیتی ہے پھر دونوں اس کو تلاش کرتے ہیں۔فہد مصطفیٰ اور ماہرہ خان فیصلہ کرتے ہیں کہ ایک دو انڈوں سے کیا ہوگا پورا خزانہ حاصل کرنے کے لیے مرغی ہی ذبح کردیتے ہیں پھر ان کے ہاتھ کیا لگتا ہے یہ تو فلم دیکھ کر ہی اندازہ ہوسکے گا۔سلمان اقبال فلمز اور بگ بینگ فلمز کی بڑی پیشکش ’آگ لگے بستی میں‘ رواں سال عید الفطر پر ملک بھر کے سینماؤں میں ریلیز کی جائے گی۔