یومِ دفاع و شہداء کے موقع پر پاک فضائیہ کا نیا نغمہ ’’شاہین‘‘ جاری

اسلام آباد۔(نمائندہ خصوصی ):یومِ دفاع و شہداء کے موقع پر پاک فضائیہ کا نیا نغمہ ’’شاہین‘‘ جاری کر دیا گیا ہے۔پاکستان ائیر فورس نے ’’شاہین‘‘ کے عنوان سے نیا ملی نغمہ ریلیز کیا ہے جس میں فضائی سرحدوں کی محافظ پاک فضائیہ کو زبردست خراجِ تحسین پیش کیا گیا ہے ۔نغمے کا آغاز "یہ غازی یہ تیرے پر اسرار بندے” کے لہو گرما دینے والے الفاظ سے کیا گیا ہے۔معروف گلوکار شجاع حیدر کی آواز میں نغمہ، پاک فضائیہ کی یکجہتی اور وطن سے بے مثال وفا کی عظیم داستان ہے،نغمے میں پاک فضائیہ کی پیشہ وارانہ صلاحیتوں کی شاندار عکاسی کی گئی ہے،نغمے میں خون کے آخری قطرے تک وطن کے لیے قربانیاں دینے اور آگے بڑھتے رہنے کا عزم کیا گیا ۔نغمے میں بہادری، قربانی اور وطن کے وقار کا دلکش امتزاج شامل ہے،نغمے میں آسمانوں کی نگہبان پاک فضائیہ کے جرأت مندانہ کردار کو اجاگر کیا گیا۔یومِ دفاع کے موقع پر پاک فضائیہ کا جاری کردہ نیا ملی نغمہ قربانی اور تجدیدِ عہد وفا کا پیکر ہے۔