اوکاڑہ،پاک فوج کی سیلاب متاثرین کے لیے امدادی کارروائیاں ، پانی میں گھرے افراد کی محفوظ مقامات پر منتقلی جاری

اسلام آباد۔(نمائندہ خصوصی ):پاک فوج سول انتظامیہ کے ہمراہ اوکاڑہ میں سیلاب سے متاثرہ علاقوں میں مسلسل امدادی کارروائیوں میں مصروف ہے،دریائے ستلج اور ہیڈ سلیمانکی کے سیلابی پانی سے متاثرہ علاقوں میں گھرے افراد کی محفوظ مقامات پر منتقلی جاری ہے۔پاک فوج نے سول انتظامیہ کے ساتھ مل کر کئی ریسکیو اینڈ ریلیف کیمپس قائم کئے ہیں،اب تک متعدد دیہات سے ہزاروں افراد کو مال مویشی سمیت محفوظ مقامات پر پہنچایا گیا ہے۔متاثرین کی ضروری طبی امداد کے انتظامات بھی کئے گئے ہیں۔پاک فوج ہمشہ کی طرح خدمت کے جذبے کے ساتھ سول انتظامیہ کے شانہ بشانہ ریلیف آپریشن میں مصروف ہے۔