لاہور۔(نمائندہ خصوصی)راولپنڈی کے علاقہ چکری کے قریب سی ٹی ڈی اور دہشت گردوں کے درمیان فائرنگ کے تبادلہ میں ہلاک ہونےوالے دہشت گرد وں کی شناخت ہوگئی ،سی ٹی ڈی پنجاب کے ترجمان نے بتایاکہ دہشت گردوں کی شناخت عبداللہ 
،عبدالرحمن اور انس کے ناموں سے ہوئی ہے، ہلاک ہونے والے دہشت گردوں کا تعلق فتنہ خوارج سے تھا جوراولپنڈی میں بڑی تباہی پھیلانا چاہتے تھے۔ مقابلے میں ہلاک ہونےوالے دہشت گرد کے پی کے میں پولیس پر حملوں اور بھتہ خوری میں ملوث تھے۔ہلاک دہشت گردوں کے قبضے سےغیر ملکی کرنسی بھی برآمد ہوئی ہے۔ترجمان نے بتایاکہ سی ٹی ڈی نے مقدمہ درج کر کے مزید تفتیش شروع کر دی ہے ۔
