وفاقی وزیر محسن نقوی اور وزیر اطلاعات سندھ شرجیل میمن کی ایم این اے رعنا انصار کی رہائش گاہ آمد، جواں سال بیٹے کے انتقال پر گہرے دکھ کا اظہار

کراچی۔(نمائندہ خصوصی)وفاقی وزیر داخلہ محسن نقوی اور وزیر اطلاعات سندھ شرجیل میمن نے ایم این اے رعنا انصار اور سینئر صحافی انصار نقوی مرحوم کی رہائش گاہ جا کران سے جواں سال بیٹے شاہ زیب نقوی کے انتقال پر گہرے دکھ اور افسوس کااظہار کیا اور تعزیت کی۔وزیر داخلہ نے شاہ زیب نقوی مرحوم کی والدہ رعنا انصار، بھائی شہریار نقوی اور بہن کو دلاسہ دیا اور صبر جمیل کی دعا کی۔رعنا انصار اپنے بیٹے شاہ زیب نقوی مرحوم کو یاد کرکے آبدیدہ ہو گئیں۔وزیر داخلہ اور صوبائی وزیر شرجیل میمن کا رعنا انصار سے دلی ہمدردی اور تعزیت کا اظہار کیا۔ انھوں نے شاہ زیب نقوی مرحوم کے ایصال ثواب کیلئے فاتحہ خوانی کی۔وزیر داخلہ محسن نقوی نے سوگوار خاندان کے لئے صبر جمیل کی دعا کی۔وزیر داخلہ نے کہا کہ ماں کے لئے جوان بیٹے کی جدائی کا غم ناقابل بیان ہے۔ شاہ زیب نقوی مرحوم انتہائی ملنسار اور پیار کرنے والا انسان تھا۔ اللہ تعالٰی آپ کو یہ ناقابل تلافی نقصان برداشت کرنے کا حوصلہ دے۔ اس موقع پر عامر میر بھی ہمراہ تھے۔