ملتان( سٹاف رپورٹر )
معروف افسانہ نگار شاعرہ سمین درانی نے شوہر سے جھگڑے کے بعد خود کشی کر لی ہے ،بہاولپور پولیس کے مطابق لاڑکانہ کی رہائشی 45سالہ خاتون تسنیم درانی
پراسرار طور پر ہلاک ہوگئی پولیس نے نعش قبضہ میں لیکر تفتیش شروع کردی ہے۔بتایا جاتا ہے کہ تھانہ کینٹ کے علاقہ ہاشمی گارڈن میں لاڑکانہ کی رہائشی 45سالہ تسنیم درانی نے کچھ عرصہ قبل اپنے بچوں کی صادق پبلک سکول میں تعلیم کے لیے بہاولپور میں رہائش اختیار کی ہوئی تھی۔
ذرائع کا کہنا ہے کہ 7 روز قبل تسنیم درانی کی خاوند محمد علی بھٹو کے ساتھ نامعلوم وجوہات کی بناء پر جھگڑا ہوا تھا جس پر محمد علی بھٹو لاڑکانہ سے بہاولپور آیا اور اپنے بچوں کو ہمراہ لے گیا تھا ۔تسنیم درانی گھر میں اکیلی رہ رہی تھی کہ گزشتہ روز وہ گھر میں پراسرار طور پر مردہ پائی گئی۔واقع کی اطلاع پر کینٹ پولیس بہاولپور موقع پر پہنچ گئی اور لاش قبضہ میں لیکر سردخانہ منتقل کردیا ہے ۔
ڈی پی او بہاولپور کے ترجمان عامر نزیر کا کہنا ہے کہ خاتون اپنے بستر پر مردہ حالت میں پائی گئی ہے ورثاء کو اطلاع دے دی گئی ہے ۔پولیس تمام حقائق پر تفتیش کررہی ہے پولیس ٹیم کی نگرانی اے ایس پی کینٹ سرکل خود کررہے ہیں۔پوسٹمارٹم رپورٹ آنے کے بعد حقائق منظر عام پر آجائیں گے ۔گزشتہ روز سوشل میڈیا پر معروف افسانہ نگار شاعرہ سمین درانی کی موت کی خیر بہت تیزی سے پھیلی،جس کے بعد ادبی حلقوں میں سوگ پھیل گیا
