اسلام آباد(نمائندہ خصوصی) پاک فوج نانگا پربت پر پھنسے کوہ پیماﺅں شہروز کاشف اور فضل علی کو نکالنے کے لیے ہائی رسک ریسکیو آپریشن کو مربوط کر رہی ہے۔ پاک فوج کے شعبہ تعلقات عامہ (آئی ایس پی آر) کے مطابق کوہ پیماﺅں کو بچانے کے لیے آرمی ایوی ایشن کے ہیلی کاپٹر اور ایک گراﺅنڈ سرچ ٹیم کام کررہی ہے، آرمی ایوی ایشن کے پائلٹوں نے جرات کے ساتھ خراب موسمی حالات کے باوجود دو ہیلی کاپٹر اڑائے۔
ترجمان پاک فوج کے مطابق گہرے بادلوں اور اونچائی زیادہ ہونے کی وجہ سے کوہ پیماﺅں کو نکالا نہیں جاسکے، تاہم زمینی ٹیم کوہ پیماﺅں کے قریب پہنچ چکی، کوہ پیما اس وقت 21 ہزار فٹ کی بلندی پر کیمپ تھر میں موجود ہیں۔آرمی ایوی ایشن کے پائلٹ موسم کی صورتحال کے تحت پرواز کر رہے ہیں جبکہ زمینی ٹیم کوہ پیماوں کو کیمپ 2 سے ریسکیو کرنے کی کوشش کررہی ہے۔
