سندھ حکومت کی جانب سے 2 ارب کی خطیر رقم سے 138 ڈبل کیبن ویگو گاڑیاں خریدنے کا معاملہ سندھ اسمبلی پہنچ گیا

کراچی (نمائندہ خصوصی )سندھ حکومت کی جانب سے 2 ارب کی خطیر رقم سے 138 ڈبل کیبن ویگو گاڑیاں خریدنے کا معاملہ سندھ اسمبلی پہنچ گیا فیصلے کے خلاف پی ٹی آئی سندھ کے رکن سندھ اسمبلی سربلند خان نے سندھ اسمبلی میں قرارداد جمع کرا دی سربلند خان نے سیکریٹری سندھ اسمبلی کے پاس قرارداد جمع کرائی۔ قرارداد میں پی ٹی آئی رکن سندھ اسمبلی سربلند خان نے کہا ہے کہ سندھ حکومت نے سندھ کے 138 اسسٹنٹ کمشنر کے لئے نئی ڈبل کئبن ویگو گاڑیاں خریدنے کے لئے 2 ارب روپے کی خطیر رقم کی منظوری دیکر سندھ کے عوام سے زیادتی کی ہے موجودہ حالات میں میں حکومت کو شاہی اخراجات کم کرنے کی ضرورت تھی سندھ حکومت نے 138 ویگو گاڑیاں کا فیصلا شاہی اخراجات میں اضافہ ہے۔ سربلندخان نے کہا سندھ جہاں کے لوگ تعلیم، صحت سمیت دیگر بنیادی سہولیات سے محروم ہیں وہاں اس طرح کے فیصلے عوام کے جذبات کو مجروح کرنے کے مترادف ہیں اس وقت سندھ میں تیز بارشوں سے سینکڑوں خاندان سڑکوں پر ہیں سندھ میں بارشوں سے فصلیں ڈوب چکی ہیں سندھ میں کسان بے یارو مددگار کھلے آسمان تلے بیٹھے ہیں ایسے حالات میں برسات متاثرین سمیت عوام کے بھلائی کے پروجیکٹ پر رقم مختص کرنے کے بجائے ڈبل کیبن ویگو گاڑیوں کی خریداری کرنا عوام دشمن فیصلہ ہے۔ سربلند خان نے قرارداد کے ذریعے سندھ حکومت سے مطالبہ کیا گیا ہے کہ فوری طور پر لگژری گاڑیوں کی خریداری کا فیصلہ مئوخر کیا جائے اور اس خطیر رقم کو سیلاب متاثرین کی بحالی کے لئے خرچ کی جائے۔