آرٹس کونسل آف پاکستان کراچی کی جانب سے فی البدیہہ تھیٹر ”کوئی تیاری نہیں“ نے شائقین کے دل جیت لیے۔۔

کراچی (رپورٹ: مرزاافتخار بیگ) آرٹس کونسل آف پاکستان کراچی کی جانب سے فی البدیہہ تھیٹر ”کوئی تیاری نہیں“ اسٹوڈیو  میں پیش کیا گیا جس کے ہدایت کار منیب الرحمن تھے ، فی البدیہہ تھیٹر کی خاص بات کھیل میں پہلے سے طے شدہ اسکرپٹ کا نہ ہونا تھا ۔۔شائقین کی جانب سے تجویز کردہ کسی بھی عنوان پر فی البدیہ تھیٹر پیش کر کے آرٹس کونسل آف پاکستان کراچی کی تھیٹر اکیڈمی کے طلباء نے شائقین کو ہنسے پر مجبور کر دیا، شائقین کی بڑی تعداد ”کوئی تیاری نہیں“ کھیل سے محظوظ ہوئی۔ واضح رہے کہ آرٹس کونسل آف پاکستان کراچی میں ہر ہفتے فی البدیہ تھیٹر پیش کیا جاتا ہے جس میں اداکاری سے شغف رکھنے والے افراد شرکت کر سکتے ہیں ۔