نذیر لغاری ملکی صحافت کا قیمتی اثاثہ ہیں علاج میں کوئی کسر نہ چھوڑی جائےگی ۔شرجیل میمن

کراچی (اسٹاف رپورٹر)نذیرلغاری ملکی صحافت کا قیمتی اثاثہ ہیں انہیں آزمائش کی اس گھڑی میں تنہا نہیں چھوڑا جائےگا یہ بات سندھ کے سینیر وزیر شرجیل انعام میمن نے کے یو جے کے صدر طاہر حسن خان سے بات چیت کرتے ہوے کہی انہوں نے طاہر حسن کو یقین دلایا کہ نذیر لغاری کے علاج میں حکومت کوئی کسر نہ اٹھا رکھے گی انہوں نے مزید کہاکہ صدر پاکستان آصف علی زرداری نے بھی اس سلسلہ میں خصوصی ہدایات جاری کی ہیں اور انہیں بھی نذیر لغاری کی علالت کا سن کر دکھ پہنچا ہے نذیر لغاری کے علاج کے لیے شرجیل میمن نے سندھ کی سیکریٹری ہیلتھ کو خصوصی ہدایات جاری کی ہیں اور کہاہے کہ وہ آغاخان اسپتال کی انتظامیہ سے رابطہ میں رہیں اور انہیں بھی لغاری صاحب کی صحت میں روز بروز بہتری سے آگاہ کرتے رہیں۔