کراچی۔ (نمائندہ خصوصی ):میڈیاسیل بلاول ہاوّس میں صدر مملکت آصف علی زرداری کی 69ویں سالگرہ کا کیک کاٹا گیا اور صدر مملکت کی درازی عمرکے لئے دعا کی گئی۔میڈیا سیل بلاول ہاؤس کی جانب سے جاری بیان کے مطابق صدرمملکت آصف علی زرداری کی سالگرہ کا کیک میڈیا سیل بلاول ہاوّس کے انچارج سریندر ولاسائی نے پی پی پی چیئرمین کے کوارڈینیٹر میر
سہراب مری ، سابق صوبائی وزیر موہن لال کوہستانی، سابق سینیٹرانور لال ڈین و دیگر کے ہمراہ کاٹا۔رہنماؤَں نے ملک میں جمہوریت کے فروغ کے لئے صدرمملکت کی خدمات پر انہیں بھرپور خراج تحسین پیش کرتے ہوئے کہا کہ صدر مملکت آصف علی زرداری کی ملک میں جمہوریت کی مضبوطی، بقاء اور اسکے فروغ کے لئے خدمات قابل تحسین ہیں۔اس موقع پر صدر مملکت کی صحت و تندرستی اور درازی عمر کی دعا کی گئی۔
