سی ٹی ڈی کے پنجاب میں 58 انٹیلی جنس بیسڈ آپریشن 13 دہشت گرد گرفتار

لاہور ( نمائندہ خصوصی)پنجاب میں دہشت گردی کے شدید خدشات کے پیشِ نظر کاؤنٹر ٹیررازم ڈیپارٹمنٹ نے صوبے کے مختلف اضلاع میں گرینڈ آپریشنز کرتے ہوئے 13 مبینہ دہشت گردوں کو گرفتار کر لیا ہےسی ٹی ڈی ترجمان کے مطابق، حکام نے خفیہ اطلاعات پر لاہور، ساہیوال، ملتان، جہلم، منڈی بہاؤالدین، جھنگ، چنیوٹ اور میانوالی سمیت مختلف شہروں میں 58 انٹیلی جنس بیسڈ آپریشنز کیےان کارروائیوں کے دوران صوبائی دارالحکومت لاہور سے ‘فتنہ الخوارج’ کا ایک انتہائی خطرناک اور مطلوب دہشت گرد مختار گرفتار کیا گیا ہے جس کا تعلق علاقہ غیر سے بتایا جا رہا ہےگرفتار مسمیٰان کی شناخت مختار احمد، یونس، فیروز خان، ولی، اویس، فرمان، مومن، عدنان، راجہ فیصل، رضا خان، غلام شبیر، راؤ ساجد اور مختار شاہ کے ناموں سے ہوئی ہےسی ٹی ڈی حکام کا کہنا ہے کہ گرفتار کیے گئے دہشت گرد قانون نافذ کرنے والے اداروں کے دفاتر اور حساس تنصیبات کو نشانہ بنانے کی منصوبہ بندی کر رہے تھےکارروائی کے دوران ملزمان کے قبضے سے بھاری مقدار میں بارودی مواد 4 آئی ای ڈی بم 8 ڈیٹونیٹرز 15 فٹ حفاظتی فیوز وائر ممنوعہ لٹریچر اسٹیکرز اور نقدی برآمد کر لی گئی ہےترجمان نے مزید تفصیلات بتاتے ہوئے کہا کہ صوبے بھر میں سیکیورٹی ہائی الرٹ ہے اور رواں ہفتے کے دوران1,487کومبنگ آپریشنز بھی کیے گئے جن میں 53,335 افراد سے پوچھ گچھ کے بعد 168 مشتبہ افراد کو حراست میں لیا گیا ہےترجمان سی ٹی ڈی نے عزم کا اظہار کیا کہ محفوظ پنجاب کے ہدف پر کوئی سمجھوتہ نہیں کیا جائے گا اور دہشت گردی کے ناسور کو جڑ سے اکھاڑ پھینکا جائے گا