کراچی:بھتہ خوروں کے خلاف ایس آئی یو اور رینجرز کا مشترکہ آپریشن، ایک ملزم زخمی حالت میں گرفتار، اسلحہ برآمد

کراچی( کرائم رپورٹر) بھتہ خوروں کے خلاف بلا امتیاز کارروائیوں کے سلسلے میں اسپیشل انویسٹیگیشن یونٹ ایس ائی یو اور سندھ رینجرز نے تھانہ لیاقت اباد کی حدود میں مشترکہ آپریشن کرتے ہوئے ایک خطرناک بھتہ خور کو زخمی حالت میں گرفتار کر لیا، جبکہ اس کا ساتھی اندھیرے کا فائدہ اٹھا کر فرار ہونے میں کامیاب ہو گ گرفتار بھتہ کی شناخت محمد زاہد ولد عبدالستار کے نام سے ہوئی، جبکہ ساتھی فرار ملزم کی شناخت رئیس لودھی ولد ریاست علی کے نام سے ہوئی، گرفتار بھتہ خور ملزم کے قبضے سے ایک عدد پستول بھی برامد، ابتدائی تفتیش میں انکشاف ہوا کہ ملزمان ضلع سینٹرل کے تاجروں کو بھتہ کی کالز کر کے ڈراتے اور بھتہ طلب کرتے تھے: مورخہ 09-05-2025 کو نیو کراچی میں سگریٹ کے ہول سیلر سے 15 لاکھ روپے بھتہ طلب کیا گیا۔. مورخہ 17-05-2025 کو نیو کراچی میں سویٹ شاپ کے مالک سے 10 لاکھ روپے بھتہ طلب کیا گیا۔ مقدمہ الزام نمبر: 305/2026 بجرم دفعات 384/385 ت پ، تھانہ N.K.I.A مقدمہ الزام نمبر: 306/2026 بجرم دفعات 384/385/34 ت پ، تھانہ N.K.I.Aگرفتار ملزم کے خلاف تھانہ ایس ائی یو میں بھی مقدمات درج کر دیے گئے ہیں،ایس ایس پی ایس ائی یو کا کہنا ہے کہ بھتہ خوروں کے خلاف بلا امتیاز کاروائیاں جاری رہیں گی اور تاجروں کے جان و مال کا تحفظ یقینی بنایا جائے گا۔