وفاقی وزیرِ حنیف عباسی کا بنوں میں خوارجی دہشت گردوں کے خلاف کامیاب آپریشن پرخیبرپختونخوا پولیس اور سی ٹی ڈی کو خراجِ تحسین

اسلام آباد(نمائندہ خصوصی):وفاقی وزیرِ ریلوےمحمد حنیف عباسی نےبنوں میں خوارجی دہشت گردوں کے خلاف کامیاب آپریشن پرخیبرپختونخوا پولیس اور سی ٹی ڈی کو خراجِ تحسین پیش کرتے ہوئے کہا ہے کہ دہشت گردی کےخلاف جنگ میں سکیورٹی فورسز اور پولیس کی قربانیاں قوم کا سرمایہ ہیں۔ہفتہ کو اپنے بیان میں وفاقی وزیرِ ریلوے محمد حنیف عباسی نے فتنہ الخوارج کے 8 دہشت گردوں کی ہلاکت پر خیبرپختونخوا پولیس اور سی ٹی ڈی کی جرات، پیشہ وارانہ مہارت اور بروقت کارروائی کو سراہا اور دہشت گردوں کا مردانہ وار مقابلہ کرتے ہوئے شہادت پانے والے پولیس اہلکار کو خراجِ عقیدت پیش کیا۔محمد حنیف عباسی نے کہا کہ دہشت گردی کے خلاف جنگ میں سکیورٹی فورسز اور پولیس کی قربانیاں قوم کا سرمایہ ہیں۔وفاقی وزیرِ ریلوے کا کہنا تھا کہ قوم اپنے شہداء کی لازوال قربانیوں کو ہمیشہ عزت و احترام سے یاد رکھے گی۔