پی ایس ایل میں ملتان کی ٹیم کو ولی ٹیک نے 2 ارب 45 کروڑ روپے میں خریدلیا

لاہور(اسپورٹس رپورٹر)پی ایس ایل کی ٹیم ملتان کو اونر محبت خان اندڑ نے 2 ارب 45 کروڑ روپے میں 10 سال کے لیے خریدلیا۔ملتان کی ٹیم کی نیلامی کی تقریب لاہور میں ہوئی جس میں چیئرمین پی سی بی محسن نقوی بھی شریک ہوئے۔آکشن تقریب میں سابق چیئرمین پی سی بی نجم سیٹھی بھی موجود تھے، پاکستان کے لیجنڈ بلے باز ظہیر عباس بھی ملتان کے آکشن کے موقع پر آئے۔ لاہور قلندرز کے مالکان ثمین رانا اور عاطف رانا بھی ایکسپو سنٹر لاہور میں ہونے والی آکشن میں شریک ہوئے۔پی ایس ایل کی ٹیم ملتان کی نیلامی میں پانچ بڈرز شریک تھے۔ ملتان کی ٹیم کی نیلامی کے لیے بیس پرائس 182 کروڑ روپے مقرر کی گئی تھی۔ملتان کی ٹیم کو ولی ٹیک نے 2 ارب 45 کروڑ روپے میں 10 سال کے لیے خریدلیا، ملتان پی ایس ایل کی سب سے مہنگی فرنچائز بن گئی ہے۔پی سی بی کے مطابق مقررہ وقت کے اندر کُل 6 پروپوزلز موصول ہوئے، جن کی تفصیلی اور شفاف جانچ کے بعد 5 بڈرز کو تکنیکی طور پر اہل قرار دیا گیا جنہوں نے نیلامی میں حصہ لیا۔کوئٹہ سے منسوب معروف کمپنی زیڈ کے بی کے مالک محبت خان خلجی نے پی ایس ایل کی سب سے مہنگی ٹیم ملتان سلطانز کو 245 کروڑ میں خرید لیا،