سانحہ ترلائی،ڈاکٹر الطاف بوسن کے بھتیجے علی نقی بوسن زخموں کی تاب نہ لاتے ہوئے شہادت پا گئے

اسلام آباد( نمائندہ خصوصی):ڈاکٹر الطاف بوسن کے بڑے بھائی، فرمان علی بوسن کی شہادت کے بعد، ان کے بھتیجے علی نقی بوسن بھی زخموں کی تاب نہ لاتے ہوئے شفا انٹرنیشنل ہسپتال اسلام آباد میں شہادت پا گئے ہیں۔علی نقی بوسن کی نمازِ جنازہ کل منگل کو این آئی ایچ کمیونٹی سینٹر میں ادا کی جائے گی اور ان کی تدفین اپنے والد شہید فرمان علی بوسن کے پہلو میں کی جائے گی۔والد اور بیٹے دونوں نے ترلائی امام بارگاہ اسلام آباد میں ہونے والے المناک خودکش حملے میں شہادت پائی۔وفاقی وزیر قومی صحت سید مصطفیٰ کمال نے ڈاکٹر الطاف بوسن سے دلی تعزیت کا اظہار کرتے ہوئے کہا کہ میں مشکل کی اس گھڑی میں پسماندہ خاندان کے غم میں برابر شریک ہوں۔ڈاکٹر الطاف بوسن کے ساتھ تعزیت کا سلسلہ جاری ہے۔ قومی و بین الاقوامی شراکت داروں کے ساتھیوں اور قریبی دوستوں نے فون کر کے تعزیت اور ہمدردی کا اظہار کیا۔ مرحومین کے لیے دعا کی خصوصی اپیل ہے۔