وزیر اعلیٰ مریم نواز نے لیڈی ایچیسن ہسپتال اپ گریڈڈ او پی ڈی اورمیو ہسپتال اپ گریڈڈ آئی وارڈ کا افتتاح کر دیا

لاہور۔(نمائندہ خصوصی ):وزیر اعلی مریم نواز نے لیڈی ایچیسن ہسپتال کے اپ گریڈڈ او پی ڈی اور اپ گریڈڈ آئی وارڈ میو ہسپتال کا افتتاح کر دیا-وزیر اعلی نے لیڈی ایچیسن ہسپتال کی اپ گریڈڈاو پی ڈی بلاک کا دورہ کیا اور کنسلٹنٹ او پی ڈی، او پی ڈی، اینٹی نینٹل کلینک، نرسنگ آفس اور ٹرائیج روم کا معائنہ کیااوروارڈ میں موجود زچہ و بچہ کی خیریت دریافت کی-وزیراعلی نے ننھے بچوں کو پیار کیا اور درازی عمر کی دعائیں دیں -وزیراعلی نے وارڈ میں موجود نومولود بچے کو گود میں ا ٹھا لیا اورپیار کیا -اس موقع پر ایک مریضہ نے اپنے مسائل سے آگاہ کیا تو وزیراعلی نے تسلی دی اور مسئلہ فوری حل کرنے کاحکم دیا –انہوں نے ڈاکٹروں اورنرسز کی خواہش پر تصاویر بھی بنوائیں -بعدازاں وزیراعلی میوہسپتال کے آپتھلما لوجی وارڈ پہنچ گئیں اوراپ گریڈیشن پراجیکٹ کا افتتاح کیا ۔انہوں نے آپتھلما لوجی بلاک کے مختلف فلورز کا دورہ کیا ، تعمیراتی کام کا جائزہ لیا اور او پی ڈی، آپریشن تھیٹر، سی ایس ایس ڈی سٹرلائزیشن روم کا بھی معائنہ کیا -اس موقع پر سیکرٹری سی اینڈ ڈبلیو سہیل اشرف نے اپ گریڈیشن پراجیکٹ سے متعلق بریفنگ دی -بریفنگ میں بتایا گیاکہ میو ہسپتال کے 8 فلور پر مشتمل آئی وارڈ کی اپ گریڈیشن کی گئی-آپریشن تھیٹر کی تعداد 5سے بڑھا کر 14کر دی گئی ہے -مریضوں کے لئے ریکوری روم اور ویٹنگ ایریا بھی قائم کیا گیاہے -آئی وارڈ میں عرصہ درازسے جاری لیکج کامکمل خاتمہ کر کے بلڈنگ کو محفوظ بنایا گیاہے -آئی وارڈ میں مریضوں کے لئے نئے جنریٹر اور لفٹ بھی نصب کی گئی ہیں -بریفنگ میں مزید بتایا گیاکہ لیڈی ایچیسن ہسپتال کے گراونڈ فلور، فرسٹ فلور اور سیکنڈ فلور کو اپ گریڈ کیا گیا ہے – لیڈی ایچیسن میں سیمی ماڈیولر آپریشن تھیٹر قائم کئے گئے – لیڈی ایچیسن میں ای پوکسی فلورنگ اور اینٹی بیکٹریل پینٹ کیا گیاہے -او پی ڈی اور آئی وارڈ میں جدید میڈیکل اور دیگر ضروری آلات فراہم کیے گئے ہیں۔ آئی بلاک اور او پی ڈی بلاک کو کم خرچ بالا نشین اصول پر اپ گریڈ کیا گیا ہے۔صوبائی وزرا صحت خواجہ سلمان رفیق، خواجہ عمران نذیر، سیکرٹری ہیلتھ علی جان خان،پرنسپل کنگ ایڈورڈ میڈیکل کالج ڈاکٹر محمود ایاز،ڈاکٹر اسد اسلم اور دیگر حکام بھی اس موقع پر موجود تھے-