امریکا نے ایران کے اُس فوجی صنعتی ڈھانچے کو تباہ کر دیا ہے جسے وہ ’دنیا میں دہشت پھیلانے‘ کے لیے استعمال کرتا تھا: وائٹ ہاؤس

واشنگٹن(نیوز ڈیسک)وائٹ ہاؤس کی پریس سیکرٹری کیرولین لیویٹ نے اب سے کُچھ دیر قبل صحافیوں سے گفتگو کرتے ہوئے کہا ہے کہ امریکا نے ایران کے اُس فوجی صنعتی ڈھانچے کو تباہ کر دیا ہے جسے وہ ’دنیا میں دہشت پھیلانے‘ کے لیے استعمال کرتا تھا۔وائٹ ہاؤس میں پریس کانفرنس کے دوران اُن کا کہنا تھا کہ امریکہ نے اپنے اس آپریشن کے دوران ایران کے میزائل اور ڈرون بنانے کی صلاحیت کو بھی شدید نقصان پہنچایا ہے۔‘لیویٹ کے مطابق ’ایران کی بحریہ کو ’مکمل طور پر تباہ‘ کر دیا گیا ہے اور اب اس کے پاس ’ایک بھی آبدوز موجود نہیں‘، جبکہ اس کی 97 فیصد بحری بارودی سرنگیں بھی ناکارہ بنا دی گئی ہیں۔‘ان کا کہنا تھا کہ ’ایران کی فضائیہ بھی اب عملی طور پر ’غیر مؤثر‘ ہو چکی ہے اور سب سے اہم بات یہ ہے کہ ایران اب جوہری ہتھیار حاصل نہیں کر سکتا۔‘کیرولین لیویٹ کا دعویٰ تھا کہ ’آپریشن ’ایپک فیوری‘ سے قبل ایران جارحانہ انداز میں اپنے قلیل فاصلے تک مار کرنے والے میزائل پروگرام کو وسعت دے رہا تھا، جسے وہ ملک کے گرد ایک حفاظتی حصار کے طور پر استعمال کرنا چاہتا تھا تاکہ اپنے حتمی مقصد، یعنی جوہری ہتھیاروں کی تیاری کو حاصل کر سکے۔‘انھوں نے یہ بھی کہا کہ ’ایران کا کمانڈ اینڈ کنٹرول سسٹم تباہ کر دیا گیا ہے جبکہ باقی ماندہ قیادت خوف کے سائے میں زندگی گزار رہی ہے اور اب انھیں آزادانہ نقل و حرکت کی سہولت بھی حاصل نہیں رہی۔‘