واشنگٹن( نمائندہ خصوصی):امریکہ نے کویت میں اپنے تین لڑاکا طیاروں کے تباہ ہونے کی تصدیق کردی۔ ذرائع ابلاغ کے مطابق امریکی سینٹرل کمانڈ کی طرف سے جاری بیان میں تصدیق کی گئی کہ تین امریکی ایف-15 ای سٹرائیک ایگل لڑاکا طیارے کویت میں دوستانہ فائرنگ کے ایک واقعے میں تباہ ہو گئے۔یہ واقعہ اس وقت پیش آیا جب آپریشن ایپک فیوری کے دوران ایرانی طیاروں، بیلسٹک میزائلوں اور ڈرونز کے حملوں کے دوران کویتی فضائی دفاع نے غلطی سے امریکی طیاروں کو نشانہ بنا دیا۔بیان
کے مطابق تمام چھ فضائی اہلکاروں نے بروقت ایجیکٹ کیا، انھیں بحفاظت ریسکیو کر لیا گیا ہے اور ان کی حالت مستحکم ہے ۔کویت کی وزارت دفاع نے آج صبح امریکا کے متعدد طیارے گرنے کی تصدیق کر دی۔سوشل میڈیا پر جاری بیان میں کویتی وزارت دفاع کی جانب سے کہا گیا ہے کہ متعدد امریکی لڑاکا طیارے گرے ہیں تاہم ان ک پائلٹ محفوظ رہے ہیں۔کویت کی وزارت دفاع کا کہنا ہے کہ متعلقہ حکام نے فوری طور پر تلاش اور بچاؤ کی کارروائیاں شروع کر دی ہیں، عملے کو بحفاظت نکال کر اسپتال
منتقل کیا گیا۔کویت کی وزارت دفاع کی جانب سے متعدد امریکی فوجی طیارے گرنے کی وجوہات نہیں بتائی گئیں۔دوسری جانب امریکی سینٹرل کمانڈ کے ایک عہدیدار نے کویت میں امریکی فوجی طیارہ تباہ ہونے کی تصدیق کر دی۔امریکی جریدے کے مطابق امریکی طیارے کا عملہ بروقت ایجیکٹ کرنے میں کامیاب رہا اور تمام اہلکار محفوظ ہیں۔علاوہ ازیں ایرانی سرکاری میڈیا کا کہنا ہے کہ ملکی حدود کی خلاف ورزی پر امریکی ایف 15 لڑاکا طیارہ ایرانی فضائی دفاع نے مار گرایا۔ایرانی میڈیا نے کہا کہ
امریکی لڑاکا طیارہ کویت میں گر کر تباہ ہوا۔واضح رہے کہ اس سے قبل روسی میڈیا نے کہا تھا کہ کویت میں امریکی لڑاکا طیارہ گر گیا۔
روسی میڈیا کا کہنا تھا کہ کویت میں امریکا کا ایف 15 طیارہ گر گیا۔امریکی ایف 15 کا پائلٹ ایجکٹ کرنے میں کامیاب رہا، پائلٹ کو زخمی حالت میں اسپتال منتقل کر دیا گیا۔
